Францускиот претседател Емануел Макрон, утрово доживеа нова непријатност откако беше погоден со јајце, објавија странските медиуми.

Инцидентот се случил во Лион, откако францускиот претседател одржал говор.

На видеото се гледа како Макрон се пробива низ толпата, кога некој од толпата фрла јајце кон него.

Јајцето го удрило по рамото, пред да падне на подот, додека припадниците на обезбедувањето се обиделе да го заштитат, пренесува Индипендент.

Лион Маг објави дека безбедносната служба го уапсила „момчето“ откако фрлил јајце и извикал „Да живее револуцијата“.

Ова е втор напад врз Макрон во последните три месеци. Еден човек му удри шлаканица за време на негова официјална посета. Инцидентот се случи на југоистокот на Франција.