logo
logo
logo

Сирија изврши ракетен напад во Израел

Vecer | 22.04.2021

Сирија изврши ракетен напад во Израел


Сириска ракета земја-воздух експлодира утринава до нуклеарен реактор во јужен Израел, соопштија израелски воени извори.

Засега нема извештаи за штети или повредени.

Израелската војска соопшти дека возвратила со напад на ракетни инсталации во Сирија, вклучително и онаа од која е испукана ракетата што паднала на израелска територија.

Сириската новинска агенција објави дека таму противвоздушната одбрана пресретнала израелски напад насочен кон област недалеку од главниот град Дамаск каде биле стационирани проирански милиции.

„Нашата воздушна одбрана пресретна израелски ракети и собори повеќе од нив“, соопшти сириската агенција.

Четири сириски војници се повредени во израелскиот контранапад, а причинета е и материјална штета.

Израелските медиуми со недели известуваат дека војската ја зајакнува воздушната одбрана околу реакторот Димона во очекување на напади од ракети или беспилотни летала со долг дострел.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk