Врз основа на преброени 45 отсто од гласовите, Кастро, сопруга на поранешниот претседател Мануел Зелаје, освои над 53 проценти, додека за Насриј Асфура, градоначалник на Тегусигалпа и член на Националната партија освои 34 отсто од гласовите.
– Ќе формираме влада на помирување, влада на мирот и правдата, изјави Кастро вчера пред приврзаниците и членовите на Слободна партија.
Критичарите ја опишаа Сиомара Кастро како радикална левичарка.
Изборите во Хондурас се одржаа во време на корупциските скандали и социјалните немири, поттикнати од колапсот на националната економија. Кастро за време на кампањата вети искоренување на корупцијата.
Сопругот на Кастро, Зелаја беше соборен пред 12 години откако претставници на бизнисот и воената елита се здружија против него. По неговиот пад почна 10-годишното владеење на десницата во Хондурас.
