Шведска не планира да влезе во НАТО, изјави денеска премиерката на таа земја, Магдалена Андерсон презентирајќи ја политиката на новата влада.
- Нашето неучество во воени сојузи добро и служи на нашата земја и придонесува за стабилноста и безбедноста во северна Европа. Шведска нема да аплицира за членство во НАТО – посочи таа.
Таа вели дека Шведска нема да заземе пасивен став доколку некоја друга нордиска земја или земја членка на ЕУ претрпи катастрофа или напад.
„Очекуваме овие земји да го сторат истото доколку Шведска биде погодена“, вели Андерсон во соопштението објавено на веб-страницата на шведската влада.
Андерсон, исто така, вели дека Шведска ќе ја зајакне својата одбранбена соработка со Финска и другите нордиски соседи во рамките на ЕУ, истовремено продлабочувајќи го своето партнерство со НАТО и САД.
Шведскиот парламент ја изгласа лидерката на Социјалдемократската партија Магдалена Андерсон, со што таа стана првата жена премиер во земјата, откако првото гласање заврши неуспешно за нацрт-буџетот предложен од претходната шведска влада.