Овој потег доаѓа во време на напливот на антисемитизам предизвикан од војната меѓу Израел и Хамас минатата година и голем број инциденти класифицирани како „тешки“, кои се зголемија за 68 отсто во некои делови од земјата, се вели во извештајот на швајцарската влада, според Блумберг.
„Секој од овие феномени придонесува за поткопување на чувството на сигурност, особено кај еврејското население во Швајцарија“, се вели во официјалниот извештај.
За да ги одврати сторителите, владата планира да воведе казна од 200 франци (224 долари) за јавно прикажување на нацистички симболи.
Државната администрација потоа планира да ја прошири забраната и на други екстремистички и расистички симболи.
Досега истакнувањето на нацистички симболи во Швајцарија се казнуваше само доколку некое лице активно ја промовира нацистичката идеологија.
© Vecer.mk, правата за текстот се на редакцијата
