Директорот на германскиот институт „Роберт Кох“, Лотар Вилер, рече дека нема да биде можно да се запре третиот бран на пандемијата на коронавирус, кој предизвикува загрижувачки пораст на бројот на пациенти во одделенијата за интензивна нега.
„Не можеме да го спречиме овој трет бран, но се надевам дека ќе можеме да го разбиеме, што можеме само заедно“, рече Вилер за „Ројтерс“.
Тој забележ дека болниците ќе бидат преоптоварени со пациенти заразени со сега веќе доминантниот британски вид коронавирус, кој е позаразен и посмртоносен од претходните видови.
Во исто време, министерот за здравство, Јенс Шпан изјави дека Германија треба да примени мерки низ целата земја со цел што побрзо да се „разбие“ сегашниот бран на зараза со коронавирус.
„Потребно ни е заклучување“, им рече Шпан на новинарите, додавајќи дека можеби ќе биде потребен ноќен полициски час за дополнително намалување на социјалните контакти.
Шпан изјави дека скоро 4.500 пациенти во моментов се на интензивна нега во Германија.
„Ако ова продолжи, тоа ќе биде премногу за нашиот здравствен систем“, заклучи министерот.
makfax.com.mk
