Германскиот канцелар Олаф Шолц денеска ја отфрли можноста Русија да постигне мир со Украина со легализирање на освоените територии во таа земја.
– Јасно е дека Русија има само еден излез од оваа ситуација, а тоа е договорот со Украина – изјави Шолц за РТЛ.
А договорот, како што појасни, не е можен со „диктиран мир“, при што на Украина однапред е напишано дека треба да се откаже од својата територија, пишува „Билд“.
Шолц додаде дека нема да се повтори случајот со Крим, каде војната заврши во смисла дека немаше пукотници, туку е повлечена новата граница и каде само чекаат се да се врати во нормала.