Мексиканската претседателка рече дека како дел од нејзиниот договор со Трамп, примената на високи царини за стоки од Мексико ќе биде одложена за еден месец и дека САД ќе го запрат протокот на оружје во Мексико.
Како дел од привремениот договор, Мексико ќе распореди 10.000 војници на Националната гарда на својата северна граница за да спречи трговија со дрога, додека САД ќе се обидат да го запрат шверцот на оружје во Мексико.
-САД се посветени да работат на спречување на трговијата со висококвалитетно оружје во Мексико, рече Шајнбаум, пренесе Вашингтон тајмс.
Додека САД се жалат на зголемување на количеството дрога што се шверцува од Мексико во САД, Мексико предупредува дека „челични реки“ оружје течат од САД во Мексико, вооружувајќи ги сите, од улични банди до шверцерски картели кои се судираат со мексиканската војска.
Аналитичарите проценуваат дека секоја година во САД се купуваат меѓу 200.000 и 500.000 парчиња оружје за шверцување во Мексико./МИА
© Vecer.mk, правата за текстот се на редакцијата
