Околу 20 проценти од населението на Белгија во моментов има антитела против коронавирусот, а здравствените власти предупредуваат дека колективен имунитет може да се појави само кога најмалку 70 проценти од популацијата е имуна.

Повеќето луѓе со антитела биле евидентирани во регионот на Валон (27 проценти), во Брисел (23), додека во Фландрија е забележан пад од 12 на девет проценти од оние кои имаат антитела против Ковид-19.

Во Белгија досега се вакцинирани 3,1 процент од граѓаните, што ги става пред соседните Германија и Франција (2,8 проценти), Луксембург (2,3) и Холандија (1,1).

Пред Белгија, според процентот на вакцинирана популација, се Данска (4,1 процент), Ирска (4,1), Романија (3,7), Финска (3,3) и Шведска и Полска (3,2).

makfax.com.mk