Најмалку 155 лица се повредени во несреќата, потврдија од итните служби.

Локалните медиуми јавија дека возовите се движеле во иста насока и се судриле додека еден бил запрен на станицата. Засега не е јасно како точно се случила несреќата.

Судирот на возот се случил на станицата Монткада и Реиксак – Манреса, на околу 12 километри од центарот на градот.

Од итната помош изјавија дека полесно се повредени 150 лица, а пет лица се тешко повредени, но дека не станува збор за сериозни или повреди опасни по живот. Три лица се пренесени во болница.

Поради несреќата железничкиот сообраќај беше накратко во прекин на повеќе линии, соопштија од регионалната власт.

Опишувајќи го моментот на судирот, една патничка кажала за Сер Каталуња дека доживеала „страшен удар“ и дека „луѓето врескале“.

Друг патник за локалната радио станица „RAC1“изјавил: „Возот беше полн, а мојот вагон, кој беше последниот, беше целосно полн“.

Шпанската министерка за транспорт Ракел Санчез рече дека внимателно ја следи ситуацијата и им посака на повредените брзо закрепнување.