По три дена потрага по рускиот доктор кој прв го лекуваше отруениот опозиционер Алексеј Навални тој се појавил денеска излегувајќи сам од шумата во која исчезнал додека бил на лов, соопшти државната новинска агенција РИА, цитирајќи ги регионалните власти.
Голема потрага беше покрената во шумите во регионот Омск, 2.200 километри источно од Москва, откако Александер Мураховски напуштил ловна база со своето теренско возило во петокот. Тој сам излегол од шумата, при што стапил во контакт со жителите на селото Басли, објави РИА.
„Неговата состојба изгледаше нормално, но од претпазливост беше задржан во болница“, кажаа властите.