По апсењето на 25 лица, членови на десничарското движење Граѓани на Рајхот осомничени за планирање државен удар во Германија, министерката за внатрешни работи Ненси Фесер објави дека станува збор за „бездна на терористичка закана“.
– Денеска е откриена наводна терористичка организација која, според истрагата, е водена од насилни субверзивни фантазии и заговорни идеологии – изјави денеска таа во Берлин по националните рации против таа група.
Сепак, владеењето на правото знае како да се „одбрани од непријателите на демократијата“, нагласи таа, пишува Шпигел.
Министерот за правда Марко Бушман изјави дека демократијата е одбранета, потврдувајќи дека постои сомнеж дека уапсените планирале вооружен напад врз државните власти.
„Демократијата е успешно одбранета: Од утрово се одржува голема антитерористичка операција. Федералниот јавен обвинител истражува осомничена терористичка мрежа од граѓанското милје на Рајх. Постои сомнеж дека бил планиран вооружен напад врз уставните органи.“ беше објавено на Твитер.
Министерката пак, рече дека понатамошната истрага ќе открие до каде напреднале плановите на десничарската група.
Таа им се заблагодари на властите што ја штитат германската демократија.
Demokratie ist wehrhaft: Seit heute Morgen findet ein großer Anti-Terror-Einsatz statt. Der Generalbundesanwalt ermittelt gegen ein mutmaßliches Terror-Netzwerk aus dem Reichsbürger-Milieu. Es besteht der Verdacht, dass ein bewaffneter Überfall auf Verfassungsorgane geplant war.
— Marco Buschmann (@MarcoBuschmann) December 7, 2022