Кремљ денеска објави дека нема докази за вмешаност на Русија во десничарски заговор за организирање државен удар во Германија.

„Се чини дека ова е проблем во Германија“, изјави портпаролот на Кремљ Дмитриј Песков за новинарите, додавајќи дека не станува збор за руска вмешаност.

Германските обвинители рекоа дека еден од обвинетите се обидел да стапи во контакт со руски претставници, на кои оваа десничарска група гледала врска со воспоставувањето нов поредок, но нема докази дека руските претставници одговориле на барањето. Утрото, 25 осомничени членови и поддржувачи на екстремната десничарска терористичка група биле приведени за време на рации низ Германија, соопшти германското Сојузно обвинителство.

Уапсените осомничени се дел од терористичка група чија цел беше уривање на постојниот државен поредок во Германија, што не го исклучи насилството како средство за постигнување на целта, се наведува во соопштението на обвинителството.