Две Американки од Флорида се маскирале во баби сакајќи на тој начин да ја добијат втората доза од вакцината против Ковид-19, пренесуваат американските медиуми.
Како што соопштила Канцеларијата за јавно здравје на округот Оринџ во Флорида, жени на возраст од 44 и 34 години пристигнале на местото на вакцинација носејќи капи, ракавици и очила за да ги прикријат своите години.
Видео кое се прошири на социјалните мрежи и медиумите покажува како полицаец им зборува на жените за неморално однесување.
Директорот на Канцеларијата за јавно здравје во округот Оринџ, д-р Раул Пино на прес-конференција рекол дека двете жени имаат потврда дека ја примиле првата доза на вакцината. Но, не биле во можност да ја добијат втората доза, бидејќи здравствените работници на местото на вакцинација се посомневале во исправноста на нивните лични документи.
Здравствените власти не знаат како тие успеале да ја земат првата доза на вакцината и дали и тогаш се маскирале.
Полицијата во округот Оринџ за Си-ен-ен потврди дека здравствените власти ги повикале да издадат предупредување за жените чии датуми на раѓање од личните документи не се совпаѓаат со оние што ги користеле за да се регистрираат за вакцинација. Имињата, сепак, биле исти.
NEW: @OrangeCoSheriff put out video of the women accused of posing as "grannies" in order to get vaccines at the convention center. They were trespassed but not arrested. Story we're updating: https://t.co/x4yeY1jj5q pic.twitter.com/IG6qqjAquS
— Jeff Weiner (@JeffWeinerOS) February 19, 2021
