Само на луѓето кои се имунизирани ќе им биде дозволено да одат на омра, мал аџилак во Мека за време на муслиманскиот месец на постот Рамазан, соопштија саудиските власти.
Министерството за аџилак наведува дека за имунизирани ќе се сметаат лицата кои примиле две дози вакцина против коронавирус, лицата кои примиле само една доза најмалку 14 дена порано и оние кои оздравеле од коронавирусот, пренесува „Гардијан“.
Во Саудиска Арабија, која има околу 34 милиони жители, досега се потврдени повеќе од 390.000 случаи на коронавирус, а 6.700 луѓе починаа како резултат на инфекцијата.
Дадени се повеќе од пет милиони дози вакцина против коронавирус во земјата.
makfax.com.mk