Обединетото Кралство минува низ нов топлотен бран, а утре во делови од Англија би можело да биде објавено предупредување за суша. Сателитската снимка објавена вчера од Коперник, програмата на Европската унија за набљудување на Земјата, односно нашата планета и нејзината околина, покажува дека инаку зелените делови на Британија, станале кафеави среде жештината.
Yesterday, 10 August, #Copernicus #Sentinel3 🇪🇺🛰️ captured this nearly 🌞 cloudless image of the United Kingdom 🇬🇧
— Copernicus EU (@CopernicusEU) August 11, 2022
The worrisome dryness of vegetation caused by the ongoing #drought is clearly visible in the eastern part of Great Britain 🥀#Heatwave2022 #HeatwaveUK pic.twitter.com/RwcVDN2gsy
„Вчера, Коперник Сентинел-3 сними област на Обединетото Кралство над која речиси и да немаше облаци. Загрижувачката сувост на вегетацијата предизвикана од сушата е јасно видлива во источниот дел на Британија“. – објави Коперник на Твитер.
Ако го погледнеме видеото, се гледа зелениот дел на Ирска и кафената, односно сувата област на Англија, пишува Express.
Друг пост ја покажува разликата помеѓу две сателитски снимки на Кембриџ во август 2021 и 2022 година.
„Велика Британија е погодена од суша. Ако ги споредиме снимките на Коперник Сентинел-2 од областа околу Кембриџ од 11 август 2021 година и 8 август 2022 година, ќе ги видиме последиците од недостатокот на дожд“, пишува Коперник.
#UK 🇬🇧 is not spared from #drought
— Copernicus EU (@CopernicusEU) August 10, 2022
The effects of the🚱 lack of rain🌧️ are visible when comparing the #Copernicus #Sentinel2 🇪🇺🛰️ images of the area around #Cambridge of
↙️ 11 August 2021 and ↘️ 8 August 2022 pic.twitter.com/My9yg5PXJz
Британската метеоролошка служба издаде жолто предупредување за екстремни горештини во поголемиот дел од Англија и Велс. Температурите за време на викендот би можеле да достигнат до 36 степени. Од друга страна, во Северна Англија и Шкотска се очекуваат пријатни од 20 до 30 степени.
Здравствената агенција издаде предупредување поради претстојните горештини во кое ги советува постарите или оние со здравствени проблеми да се грижат за своето здравје.
Британскиот метеоролошки институт исто така предупреди на висок индекс на опасност од пожари и наведува дека шумските пожари би можеле да настанат поради неколкумесечните слаби врнежи.
Пожарникарите во Лондон ги замолија граѓаните да не прават скара на отворено или на балкони и правилно да ги гасат цигарите и да го фрлаат ѓубрето.