Американската администрација го заврши разузнавачкиот преглед на наводното руско изборно мешање и хакирањето на SolarWinds и набргу може да најави одмазднички активности, објави „Блумберг“ повикувајќи се на три извори запознати со ова прашање.

„Можните потези може да вклучат санкции и протерување руски разузнавачи што се во САД под дипломатско покритие“, рекле изворите, кои побарале да останат анонимни.

Според медиумот, „американскиот претседател Џо Бајден и неговите клучни соработници сега ќе мора да проценат колку е тешко да ја казнат Русија истовремено барајќи нејзина помош за приоритетите, како што се повторно приклучување кон иранскиот нуклеарен договор, рестартирање на разговорите за контрола на вооружувањето и борбата против климатските промени“.

Руските власти постојано ги отфрлаат наводите на Вашингтон за мешање на изборите во Москва и вмешаност во сајбер-нападот.

makfax.com.mk