logo
logo
logo

САД: Големата порота одлучува дали ќе има обвиненија за Трамп

Vecer | 26.05.2021

САД: Големата порота одлучува дали ќе има обвиненија за Трамп


Големата порота во САД одлучува дали ќе биде покренато обвинение против поранешниот американски претседател Доналд Трамп, пренесува Вашингтон пост.

Поротата ќе ги разгледа доказите собрани за време на работењето на Трамп и наводното давање на мито на жени во негово име, пренесуваат американските медиуми.

Трамп (74) негираше дека е учесник во такви дела, тврдејќи дека станува збор за „политички лов на вештерки“.

Одлуката на окружниот правобранител Сајрус Венс да го свика судското тело укажува на тоа дека тој има докази дека Трамп или некој близок до него или до неговата компанија го извршиле злосторството, пишуваат медиумите.

Портпаролот на Венс, Дени Фрост, одби да ги коментира таквите тврдења.

Државното правобранителство на Њујорк пред една недела објави дека отвори кривична истрага за компанијата на Трамп.

Јавниот обвинител Летиша Џејмс истражува дали организацијата на Трамп пријавила лажна вредност на имотот со цел да обезбеди заеми и да добие економско и даночно олеснување.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk