logo
logo
logo

Руската амбасада под опсада од Хрвати поради вакцината

Vecer | 11.02.2021

Руската амбасада под опсада од Хрвати поради вакцината


Илјадници хрватски граѓани деновиве ја контактираа руската амбасада во Загреб во потрага по руска вакцина против коронавирус.

Сепак, хрватските власти сè уште не испратиле официјално барање во врска со набавката на „спутник В“, пишува „Вечерњи лист“.

Весникот наведува дека руската амбасада е под опсада oд Хрвати и дека одговара на десетици и десетици прашања од хрватски граѓани испратени по телефон или електронска пошта секој ден за тоа како да се добие руската вакцина.

„Секако дека би сакале да помогнеме, но не вакцинираме и не набавуваме вакцини“, изјавија од амбасадата за „Вечерњи лист“, додавајќи дека само руски граѓани се вакцинираат во Русија.

Според руската амбасада, за увоз на какви било лекови во Хрватска потребни се соодветни дозволи од државните органи и надлежните институции на Европската Унија.

Рускиот амбасадор во Хрватска, Андреј Нестеренко, неодамна во интервју за „Вечерњи лист“ истакна дека се подготвени да разгледаат конкретни детали за испорака на дози на „спутник В“ во Хрватска, доколку таа тоа го побара.

 


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk