Поранешниот американски претседател Доналд Трамп сака да се врати на големата политичка сцена за време на состанокот со конзервативците, дознава извор запознат со неговите планови.
Републиканците размислуваат за следни чекори по победата на Џо Бајден, објави Ројтерс.
Планот на Трамп е да зборува на конференцијата за Конзервативна политичка акција (КПАК) во Орландо, на 28 февруари, на последниот ден од состанокот, изјави неименуван извор за Ројтерс.
„Тој ќе зборува за иднината на Републиканската партија и конзервативното движење. Трамп
исто така ќе се осврне на односот на Бајден кон амнестијата и граничната политика“, изјави изворот.
