logo
logo
logo

Путин: Во тек е трка за вооружување меѓу Русија и Америка

Vecer | 13.10.2021

Путин: Во тек е трка за вооружување меѓу Русија и Америка

Во тек е трка за вооружување меѓу Русија и САД, која започна откако Вашингтон се повлече од Договорот за ограничување на ракетниот одбранбен систем, изјави рускиот претседател Владимир Путин.

„За жал, трката за вооружување е во тек. Таа, исто така, започна по повлекувањето на САД од Договорот за ограничување на ракетниот одбранбен систем”, рече Путин, пренесуваат медиумите во светот.

Тој нагласи дека Русија не прекршила ниту еден договор.

„Ова го направија нашите американски партнери и со цел да се ослободат од одговорноста, тие сега покажуваат со прст кон нас, додека медиумите ја дуваат приказната во интерес на оние што ги плаќаат“, рече Путин на пленарната сесија на Форумот на руската недела на енергија.

Тој, исто така, посочи дека бил изненаден од реакцијата на САД на фактот дека Русија развила хиперсонично оружје.

„Отпрвин рекоа дека не им е грижа, а сега не им се допаѓа“, рече Путин.

Тој рече дека Русија е подготвена да преговара со САД за намалување на офанзивното оружје, земајќи го предвид присуството на високотехнолошко оружје.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk