Рускиот претседател Владимир Путин изјави дека Русија ги цени своите односи со земјите во Латинска Америка, Азија и Африка и е подготвена да им понуди модерно оружје на своите сојузници.
Во говорот на саемот за оружје во близина на Москва, Путин го пофали напредното оружје на Русија и ја изрази својата подготвеност да ја сподели технологијата со пријателските земји.
„Подготвени сме да им понудиме на нашите сојузници најмодерни видови оружје, од мало оружје до оклопни возила и артилерија против воздушна одбрана и безпилотни летала “, рече Путин на отворањето на форумот Армија-2022 во близина на Москва. „Речиси сите од нив се користени повеќе од еднаш во вистински борбени операции“, додаде тој.
Путин ова го изјави во време кога води војна во Украина, во која претрпе големи загуби и порази.
Западните воени аналитичари сметаат дека лошите перформанси на руските војници и оружје може да го отежнат извозот на руско оружје на потенцијални купувачи како Индија, која во голема мера се потпира на руската технологија.