Претседателот на Русија Владимир Путин се чувствува добро по вакцината која ја прими на 23 март, изјави денес портпаролот на Кремљ Дмитриј Песков.

Песков кажа дека Путин немал никакви нуспојави по вакцинацијата, како и дека не знае дали се воздржувал од физички напор.

Тој потврди дека ќерките на Путин се вакцинирани со руска вакцина, но дека не знае со која точно.

Кремљ не соопшти ни со која руска вакцина се вакцинирал Путин.