Булгаков наведува дека бил ослободен во 6 часот на 30 септември, а полицијата го пресретнала на пат кон дома, го уапсила и го однела во Центар за регрутирање. Булгаков со себе ја немал воената книшка и им рекол дека поради здравствени причини не е способен за војска. Сепак, му била доставена покана да се јави во армијата на 3 октомври.
„Службеникот пред полицаец и двајца сведоци ми кажа дека доколку не се појавам, ќе се соочам со кривична постапка, затвор, а патриотските затвореници сексуално ќе ме малтретираат“, рече Булгаков.
„Читањата на Мајаковски“, кои беа прогласени за „антимобилизација“, се одржаа во Москва на 25 септември. Следниот ден, вработени во Министерството за внатрешни работи извршија претрес во домот на московскиот поет Артем Камардин, учесник во читањето. Ги тепале и мачеле сите во станот, а според зборовите на неговиот адвокат, Камардин го силувале со стап.
Камардин, Егор Штоба и Николај Дајнеко се осомничени за кривично дело поттикнување омраза, понижување и насилство против „волонтерските вооружени групи“. Булгаков е обвинет за непочитување на наредбите на офицер.