Неколку шумски пожари избувнаа во Анталија, популарна туристичка дестинација во Турција, а ветровите го носат пламенот во правец на населените места, изјави локален официјален претставник за турски Си-Ен-Ен.

Според Мустафа Јигит, службеник на градот Манавгат, три градски области биле евакуирани.

На снимките од опшжарените места се гледаат темни облаци чад и пламен високи неколку метри. Туристите не се меѓу оние кои се загрозени во моментов, рече Јигит.

Службите за итни случаи се борат со огнената стихија од воздухот. Кабинетот на гувернерот соопшти дека двајца канадери и 15 хеликоптери биле вклучени во гаснењето на пожарот.

Според локален официјален претставник, побарана е помош од околните провинции.

Засега нема извештаи за повредени или смртни случаи. Причината за пожарот сè уште не е позната.