Властите наведуваат дека сите патници кои доаѓаат во земјата, дури и оние кои се целосно вакцинирани, мора да покажат негативен тест при пристигнувањето, пишува Ројтерс.
„Не е важно колку е успешна програмата за вакцинација. Треба да бидеме свесни дека влегуваме во фаза на поголем ризик“, изјавил премиерот Антонио Коста на денешната прес-конференција.
„Гледаме значително зголемување на бројот на нови случаи во ЕУ, а Португалија не е остров“, додаде тој.
Коста, исто така, најавил дека оние кои се целосно вакцинирани, мора да покажат негативен тест за коронавирус кога влегуваат во ноќни клубови, барови, настани и домови за стари лица, а носењето маски во затворен простор повторно е задолжително.