logo
logo
logo

Пет сомнeвања за згрутчување на крвта по вакцинирањето со „астразенека“ во Северна Ирска

Vecer | 10.05.2021

Пет сомнeвања за згрутчување на крвта по вакцинирањето со „астразенека“ во Северна Ирска


Во Северна Ирска се пријавени пет сомнителни случаи на згрутчување на крвта поврзани со вакцината на „Астразенека“. До 28 април оваа вакцина ја примиле 550.000 луѓе во Северна Ирска.

Бројот на пријавени несакани реакции е пропорционален на другите сомнителни случаи од цела Велика Британија, вклучително и Англија (198), Шкотска (18); Велс (9) и дополнителни 12 случаи за кои не е позната локацијата, пишува „Би-би-си“.

Во изјавата, британското Министерство за здравство рече дека вакцината на „Астразенека“ веќе спасила илјадници животи во Велика Британија и низ целиот свет.

„Несаканите ефекти по првата доза на вакцината од Оксфорд-Астразенека се исклучително ретки“, објавија тие.

„МХРА (Агенција за регулирање на лекови) нагласува дека за огромното мнозинство луѓе, придобивките од спречување на сериозни болести и смрт се многу поголеми од какви било ризици“, наведува Министерството.

На владината веб-страница се наведува дека пријавените настани не се секогаш докажани несакани ефекти, бидејќи некои настани може да се случат без оглед на вакцинацијата.

Заклучно со 28 април, во Велика Британија се пријавени 54.139 потенцијални несакани ефекти на „Фајзер/Бионтек“, 160.543 за „Астразенека“, 683 за „Модерна“ и 574 каде не е наведен типот на вакцина.

Апсолутниот ризик од згрутчување по вакцинацијата со „Астразенека“ е околу еден во милион.

„Фактот што сега излеговме од блокада во голема мера се должи на достапноста на вакцините на „Астразенека“ и „Фајзер“, тврдат од британското Министерство за здравство.

Најновите податоци од Велика Британија откриваат дека е забележан поголем број на сомнителна тромбоза кај возрасната група од 50 до 59 години (68). Пријавени се 38 случаи во групата од 40 до 49 и 31 година за оние на возраст помеѓу 30 и 39 години.

Статистичките податоци откриле дека жените биле повеќе погодени отколку мажите.

Сите вакцини и лекови имаат некои несакани ефекти, а според регулаторот на МХРА, овие несакани ефекти треба да се балансираат со очекуваните придобивки во превенцијата на коронавирусот.


makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk