Перуанскиот министер за економија Алекс Контрерас го објави ова за време на состанокот на владата со претседателот Дино Болуарте, истакнувајќи ги значителните ризици од климатските настани кои можат да влијаат на економското здравје на земјата. Ел Нињо, климатски феномен во Тихиот Океан што влијае на времето, веројатно ќе придонесе за обилните врнежи и можните поплави кои се очекуваат во Перу почнувајќи од април.
Неодамнешните дождови и поплавите што го следеа силниот циклон Јаку предизвикаа штета од над 300 милиони долари во инфраструктурата во јужноамериканската земја, рече Контрерас.
Претходно овој месец, владината агенција „ENFEN“, која го проучува Ел Нињо, издаде предупредување за крајбрежјето за, како што го опиша, неочекуван пораст на температурите на површината во Тихиот Океан. За време на состанокот на владата, премиерот Алберто Отарола рече дека очекуваното затоплување најверојатно ќе продолжи во јули, со врнежи повисоки од нормалните во април и јуни.
Перу претрпе големи временски катастрофи во последниве години. Само во 2017 година, временските услови поврзани со Ел Нињо предизвикаа најмалку 162 смртни случаи и сериозна штета на инфраструктурата, вклучувајќи патишта и мостови, што е еквивалентно на два отсто од економијата на земјата, покажуваат официјалните бројки.