Да потсетиме, вчера Анса, повикувајќи се на извори запознаени со настаните во Ватикан, објави дека папата се наоѓа во болницата Гемели.
Папата Франциско попладнево ќе има операција на желудникот во римската болница Гемели, се вели во соопштението на Ватикан.
Се додава дека неговиот медицински тим во последните денови одлучил дека е потребна операција и дека се очекува тој да остане во болница неколку дена за да се опорави, пренесува Ројтерс.
Агенцијата Анса јавува дека процедурата ќе трае околу два часа и дека папата ќе биде под целосна анестезија.
Папата на крајот на мај имал треска, поради што не прими публика, но не се соопштуваат други детали за неговата здравствена состојба.