Поглаварот на Римокатоличката црква, папата Франциск, денеска апелираше да се намалат тензиите во источна Украина, изразувајќи вознемиреност од трупањето на воени сили.
Според „Ројтерс“, Папата навел дека е длабоко убеден дека може да се избегне зголемување на напнатоста.
„Недостасуваат потези што ќе ја промовираат меѓусебната доверба, ќе го поттикнат помирувањето и мирот што се толку неопходни и толку посакувани“, рекол Папата за време на традиционалната молитва денеска напладне, прва по неколкунеделни мерки за заклучување.
Говорејќи пред неколку стотици верници на плоштадот Свети Петар, Папата рече дека ги следи засилените воени активности на границата меѓу Украина и Русија и ги осуди честите прекршувања на договорот за прекин на огнот во последните неколку месеци.
makfax.com.mk
