Бројни интернет страници на водечките светски медиуми денес во некој момент не работеа, вклучувајќи ги Гардијан, Фајненшал тајмс, Индипендент и Њујорк тајмс, јавува Би-би-си.
На спомнатите сајтови беше прикажана пораката „Грешка 503, не е достапно“, наведува британскиот јавен сервис. Се додава и дека веб адресата на британската влада, gov.uk, исто така не била во функција.
just catching up on the news hbu pic.twitter.com/UaDXu1pU8L
— Matthew Champion (@matthewchampion) June 8, 2021
Корисниците на Редит, Твич, Амазон, Етси, Твитер, Пејпал и Спотифај исто така пријавија проблеми.
Сè уште не е познато што го предизвика падот на спомнатите сајтови, но одделни медиуми наведуваат дека имало проблеми (или напад) од Фастли, ЦНД провајдерот кој ги штити страниците.
„Го истражуваме проблемот“, се наведува во краткото соопштение на компанијата Фастли. Соопштението беше објавено на официјалниот сајт на компанијата кој функционира.
twitch is down, reddit's down, twitter's acting up, big attack by the looks of things
what's going on pic.twitter.com/q6sJmB5emZ
— sam coates (@samcoates69) June 8, 2021
Си-ен-ен потсетува дека Дастли ги поддржува веб адресите и апликациите на Гардијан, Њујорк тајмс, Си-ен-ен и многу други. Исто така пружа испорака на содржини за Твич, Пинтерест, ХБО, Редит, Спотифај и други големи интернет платформи.
Другата верзија е дека станува збор за грешка во Амазон веб сервисот (АВС), платформата за клауд услуги која ја користат најпопуларните веб локации во светот.