logo
logo
logo

Откриен прв случај на мачка заразена со британскиот вид коронавирус

Vecer | 19.03.2021

Откриен прв случај на мачка заразена со британскиот вид коронавирус

Италијанските ветеринари го открија првиот случај на зараза со британскиот вид на коронавирус кај мачор кој живее во семејство во општина Новара.

Сопствениците на домашното животно се наоѓаат во карантин поради заразата, а експертите од Зоопрофилактичкиот институт тврдат дека мачорот се заразил од сопственикот и ги имал истите симптоми како и луѓето.

Директорот на Институтот, Анџело Ферари, потврди дека заразата се пренесува од луѓе на животни, а не обратно, и дека домашните животни не се носители на инфекцијата.

Тој потсети дека на фармите за размножување визон, чие крзно се користи за производство на скапи крзнени палта, заразата се шири и меѓу луѓето, односно меѓу персоналот што работел на тие фарми.

Во последните 24 часа од Ковид-19 починале 423 лица во Италија, а меѓу 350 илјади тестирани откриени се скоро 25 илјади нови случаи на инфекција, пишува агенцијата Анса.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk