Унгарскиот премиер Виктор Орбан изјави дека е време да се збогуваме со маските.
Тој така најави дека Унгарија ќе ги укине повеќето од преостанатите ограничувања, вклучително и ноќниот полициски час, штом бројот на вакцинирани ќе надмине пет милиони овој викенд.
Тој рече дека маските повеќе нема да бидат потребни на јавни места, додека може и да се одржуваат собири на отворено до 500 луѓе, а ќе бидат дозволени и свадби со најмногу 200 лица.
„Ова значи дека го надминавме третиот бран на пандемијата. До викендот ќе достигнеме бројка од пет милиони вакцинирани. Унгарија е побезбедна земја од другите. Дојде време да се збогуваме со маските", рече Орбан.
Унгарија е единствената земја во Европската унија што одобри употреба на руски и кинески вакцини во големи количини пред тие да бидат одобрени од Европската агенција за лекови.
Затоа Унгарија е меѓу водечките земји во Европската унија во однос на вакцинациите, бидејќи 50% од населението примило барем една доза од вакцината. Владата отвори бројни активности и објекти, вклучувајќи пешачки патеки, ресторани, бањи, театри, спортски сали и спортски објекти.