Германската компанија Бионтек оствари вкупни приходи во првиот квартал од оваа година од 2,05 милијарди евра, наспроти 27,7 милиони евра во истиот период во 2020 година.
Таков резултат е постигнат главно благодарение на продажбата на вакцини против КОВИД- 19, кои ги произведува заедно со американскиот Фајзер.
Кварталната нето добивка се искачи на 1,13 милијарди евра во споредба со загубите од 53,4 милиони евра забележани една година претходно, објави денеска Бионтек, пренесува Ројтерс.
Според компанијата, нарачките за производство и испорака на ковидни вакцини се зголемени на 1,8 милијарди дози од нешто повеќе од 1,4 милијарди дози објавени во март.
Врз основа на добиените нови нарачки, компанијата сега очекува приходите од продажба на вакцини да достигнат околу 12,4 милијарди евра оваа година, во споредба со претходно предвидената сума од 9,8 милијарди евра.
Според германската компанија, Бајонтек, Фајзер испорачал повеќе од 450 милиони дози вакцини ширум светот до 6 мај, додека Астра Зенека на 30 април објави дека доставила над 300 милиони дози досега.
Бионтек исто така ги откри плановите за основање на нова фабрика во Сингапур, која ќе произведува неколку стотици милиони дози годишно од 2023 година.