logo
logo
logo

Од јули Израел се отвора за сите вакцинирани туристи

Vecer | 27.04.2021

Од јули Израел се отвора за сите вакцинирани туристи

Израел планира од јули целосно да се отвори за сите туристи вакцинирани против коронавирусот, објави министерот за туризам.

Откако започнаа првите групни патувања кон крајот на мај, индивидуалните посети може да бидат дозволени во јули, рече министерката за туризам Орит Фаркаш-Хакоен на прес-конференција во Тел Авив во вторникот.

„Со вежбање до совршенство“, рече таа.

Според неа, време е да се искористи големата предност на Израел како здрава и вакцинирана дестинација.

Израел се затвори скоро веднаш по почетокот на пандемијата на коронавирус. На странците им беше дозволено да влегуваат само во исклучителни случаи.

Туристичката индустрија е важен економски фактор за земјата и страдаше многу од ефектите на кризата.

Во средината на април, медитеранската земја објави постепено повторно отворање за туристите. Првично, на организираните групи треба да им биде дозволен влез од 23 мај. Тие посети може полесно да се следат, рече Фаркаш-Хакоен.

Предусловите вклучуваат вакцинација со вакцини одобрени од тела како што се САД или Европската агенција за лекови, ПЦР-тест пред поаѓање и серолошки тест по пристигнување.

Министерката најави дека Израел ќе започне големи кампањи во Дубаи, Лондон и Њујорк за да привлече луѓе подготвени да патуваат. На тие места веќе има многу вакцинирани лица.

Земјата со нешто повеќе од 9 милиони жители успешно ја спроведува кампањата за вакцинација од 19 декември, а повеќе од половина од населението сега е целосно вакцинирано.

Бројот на новозаразени лица и тешки форми на коронавирус нагло опадна.

Паралелно со напредокот на кампањата за вакцинација, владата започна постепено да ги олеснува ограничувачките мерки во борбата против коронавирусот.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk