Центрите за вакцина против ковид во ОАЕ започнаа подготовки за давање на дополнителни односно трети дози од вакцината на „Синофарм“ со примање на барања и евидентирање на податоци.

Официјални лица низ целата земја објаснија дека за повеќето од оние кои примиле прва и втора доза од вакцината на „Синофарм“, неопходните шест месеци сè уште не поминале за да се исполнат условите за дополнителната доза, пренесува „Халеј Тајмс“.

Тие исто така забележаа дека опцијата за закажување состанок за дополнителна доза ќе биде додадена на системот за регистрација штом дозите станат достапни во центрите за околу еден месец.

Д-р Фарида Ал Хосани, официјален портпарол на здравствениот сектор на ОАЕ, рече дека третата доза на вакцината на „Синофарм“ не е задолжителна.

Третата доза е проактивна стратегија на земјата за обезбедување максимална заштита на општеството, а приоритет се старите лица и оние со хронични заболувања.

Ал Хосани рече дека во моментов нема студии што поддржуваат земање на вакцина од друг производител откако едно лице примило две дози вакцина против Ковид-19.
Потребни се повеќе студии на оваа тема, рече таа, истакнувајќи дека здравствените власти на земјата внимателно ги следат меѓународните студии и ќе објават доколку има некаков развој на настаните.

Лекарите од првата генерација во земјата ги повикаа да се пријават сите што ги исполнуваат условите за вакцинација со трета доза.

Вакцинираните пациенти кои повторно се заразиле досега имале само многу благи симптоми, со што се потврдува ефикасноста на одобрените вакцини во ОАЕ.

Текстот Обединетите Арапски Емирати ќе применат трета доза oд вакцината на „Синофарм“ е превземен од МАКФАКС.

makfax.com.mk