"Во почетокот на 2020 година, Институтот за биолошки производи во Пекинг ја произведе "мртвата" вакцина BBIBP-CorV против корона вирус. Клиничките испитувања спроведени од државната компанија Синофарм покажаа дека има стапка на ефикасност од 79 проценти. Кина ја одобри оваа вакцина и започна да ја извезува во други земји “, пишува Њујорк тајмс.
BBIBP-CorV делува така што го поттикнува имунитетот да создава антитела против корона вирусот САРС-КоВ-2. Антителата се врзуваат за протеините, како што се спајк протеините.
За да ја направат оваа вакцина, научниците од Пекинг истражувањата ги почнале со три варијанти на корона вирус од примероци на крв од пациенти во Кина. Од тие три, по првата фаза на истражување, одлучиле да работат само на една, која најбрзо се размножува во клетките на бубрезите од мајмун.Кога направиле големи залихи на корона вирус, ги прелевале со бета-проиолактин, соединение што ја запирало поделбата на корона вирусот, врзувајќи се со гените. Таквите „мртви“ вируси повеќе не можеле да се реплицираат и делат.
После тоа, научниците од Пекинг измешале неактивни вируси со соединение на база на алуминиум што се користи во вакцините повеќе од 90 години за да се стимулира имунитетот за да се зајакне неговата реакција на вакцината, пишува Њујорк тајмс.
Како функционира вакцината Синофарм?
Бидејќи коронавирусите во BBIBP-CorV беа мртви, можеле да се инјектираат во раката, а лицето да не се разболи од ковида-19.
Кога ќе влезат во организмот, некои од инактивираните вируси го проголтуваат видот на имунолошки клетки што претставуваат антиген. Клетката што го претставува антигенот го расцепува корона вирусот и прикажува некои од неговите фрагменти на површината. Таканаречената помошна Т-клетка може да го открие овој фрагмент. Ако тој фрагмент се вклопи во еден од површинските протеини, Т-клетката се активира и може да помогне други имунолошки клетки да се активираат и да одговорат на вакцината.
Друг вид на имунолошки клетки, Б-клетки, исто така, може да се сретнат со инактивиран корона вирус. Б-клетките имаат површински протеини, а некои од нив можат да се прикачат на корона вирусот. Кога Б-клетката ќе се заклучи, таа може да повлече дел или целиот вирус внатре и да претстави фрагменти од корона вирусот на својата површина.
Еднаш кога ќе се вакцинирате со BBIBP-CorV, имунолошкиот систем може да одговори на инфекција со живи корона вируси. Б-клетките произведуваат антитела кои се држат до натрапниците. Антителата насочени кон протеинска класа можат да спречат вирусот да влезе во клетките.
Клиничките испитувања на „Синофарм“ покажале дека BBIBP-CorV може да ги заштити луѓето од ковид-19 вирусите, но никој сè уште не може да каже колку трае таа заштита. Можно е нивото на антитела да опаѓа со текот на месеците, но имунолошкиот систем содржи и специјални клетки наречени мемориски Б клетки кои можат да содржат информации за корона вирусот со години или дури со децении.
Фази на истражување
Во јуни, кинеските научници изјавија дека вакцината покажала одлични резултати кај мајмуните. Во првата фаза на истражувањето, тие докажаа дека вакцините немаат сериозни несакани ефекти кај луѓето, но дека произведуваат антитела кај луѓето.
Фази
* јули - започнува третата фаза во Обединетите Арапски Емирати,
* август - третата фаза започнува во Мароко,
* ноември - директорот на Синофарм изјави дека повеќе од милион луѓе се вакцинирани во Кина,
* 30 декември - Синофарм објави дека вакцината е ефикасна 79,34 проценти, а кинеската влада и го потврди ова.
