Според изјавите, анализите и објавите на американски авторитети меѓу аналитичарите, политичарите и медиумите, се случува пресврт во односот на американската јавност кон Украина и нивниот претседател Зеленски. Од тотална поддршка, последниве недели американката јавност бележи се повеќе сомневања во однесувањето на Украина во нивната војна со Русија. Дури и левиарскиот медоум кој е авторитет меѓу релевантните во САД, Њујорк Тајмс, близок поддржувач на актуелната власт на Демократите и Џо Бајден, објавува дека не може веќе да и се верува и да се поддржува Украина безрезервно, некои битни работи Зеленски ги крие од Вашингтон.

Пренесуваме анализа на Џулијан Брз од Њујорк тајмс која се однесува на оваа тема:

Претседателот на Украина, Володимир Зеленски, на социјалните мрежи обезбедува речиси дневни ажурирања за руската инвазија; виралните видео објави ја покажаа ефикасноста на западното оружје во рацете на украинските сили; и Пентагон редовно одржува брифинзи за развојот на војната.

Но, и покрај протокот на сите овие вести до јавноста, американските разузнавачки агенции имаат помалку информации отколку што би сакале за операциите на Украина и имаат многу подобра слика за руската војска, нејзините планирани операции и нејзините успеси и неуспеси, според сегашни и поранешни функционери (на САД).

Владите честопати задржуваат информации од јавноста заради оперативна безбедност. Но, овие празнини во информациите во американската влада би можеле да и отежнат на администрацијата на Бајден да одлучи како да таргетира воена помош бидејќи испраќа милијарди долари оружје во Украина.

Американските власти рекоа дека украинската влада им дала неколку доверливи брифинзи или детали за нивните оперативни планови, а украинските власти признаа дека не им кажале сè на Американците.

Се разбира, разузнавачката заедница на САД собира информации за речиси секоја земја, вклучително и Украина. Но, американските шпионски агенции, генерално, ги фокусираат своите напори за собирање на противничките влади, како Русија, а не сегашните пријатели, како Украина. И додека Русија е главен приоритет за американските шпиони веќе 75 години, кога станува збор за Украинците, САД работеа на градење на нивната разузнавачка служба, а не на шпионирање на нивната влада.

Резултатот, рекоа поранешните официјални лица, се некои слепи точки.

„Колку навистина знаеме за тоа како работи Украина? изјави Бет Санер, поранешен висок разузнавач. „Можете ли да најдете личност која со сигурност ќе ви каже колку војници изгуби Украина, колку парчиња опрема изгуби Украина?

Дури и без целосна слика за воената стратегија и ситуација на Украина, администрацијата на Бајден промовираше нови способности, како ракетните артилериски системи што претседателот Бајден ги објави минатата недела. Украина го чека пристигнувањето на помоќни западни вооружени системи бидејќи двете страни во војната претрпуваат големи загуби во источниот регион Донбас во земјата.

Официјални лица на Пентагон велат дека имаат воспоставен робустен процес за испраќање оружје, кој започнува со барање од Украинците и вклучува проценка на САД за тоа каква опрема им е потребна и колку брзо може да се совлада обуката.

Некои европски агенции велат дека ќе биде тешко ако не и невозможно Украина да ја врати територијата што Русија ја презеде откако ја нападна во февруари, но американските разузнавачки агенции се помалку песимисти, велат официјалните лица. Сепак, има пукнатини во одбраната на Украина, а прашањата за состојбата на украинските воени сили и стратегијата во Донбас создадоа нецелосна слика за Соединетите држави.

Аврил Д. Хејнс, директорката на националното разузнавање, сведочеше на сослушување во Сенатот минатиот месец дека „било многу тешко да се каже“ колкава дополнителна помош може да апсорбира Украина.

Таа додаде: „Ние, всушност, имаме повеќе увид, веројатно, на руската страна отколку на украинската страна“.

Едно клучно прашање е какви мерки има намера да примени Зеленски во Донбас. Украина се соочува со стратешки избор таму: да ги повлече своите сили, или да ризикува да ги опколи Русија.

Во последните денови Украина даде повеќе информации. Во неделата, Зеленски ги посети линиите на фронтот и ги нарече борбите во Сиевиеродонецк – град кој е клучен за контрола на Донбас – „исклучително тешки“. Тој, исто така, призна дека околу 100 украински војници умираат дневно и опиша како Русија зазема една петтина од земјата.

Поискрените јавни изјави на владата на Украина може да бидат претходник на разговор со нејзиното население за стратешките избори што треба да се направат во Донбас, велат аналитичарите.

„Веројатно се води дебата за тоа дали да се повлечат сите одбрани што би можеле да бидат заробени доколку останат“, рече Стивен Бидл, професор по меѓународни односи на Универзитетот Колумбија. „Ако има намерно повлекување, Зеленски ќе мора да го објасни тоа на некој начин што изгледа дека не покажува незадоволство врз украинските сили. Тој ќе мора да раскаже некаква приказна на украинскиот народ доколку реши да ги повлече тие војници, а објаснувањето за загубите што би можеле да ги претрпат доколку останат е логичен начин да се направи тоа“.

Има уште една причина за нецелосното разузнавање и информирање за Украина. Облаците ја ограничија употребата на надземните сателити.

Соединетите Држави обезбедуваат редовни, скоро во реално време разузнавачки ажурирања за Украина за локацијата на руските сили, информации што Украинците ги користат за планирање операции и напади и зајакнување на нивната одбрана.

Но, дури и во разговорите на високо ниво со генералот Марк А. Мили, претседателот на Здружениот Генералштаб или Лојд Џеј Остин Трети, секретарот за одбрана, украинските власти ги споделуваат само своите стратешки цели, а не нивните детални оперативни планови. Оваа затвореност на информирање, тајност од Украина, ги принуди американските воени и разузнавачки службеници да се обидат да дознаат што можат од другите земји кои работат во Украина, повеќе од партнерите што вршат обуки со Украинците и јавните коментари на  Зеленски, рекоа американските официјални лица.

Украина, рекоа официјалните лица, сака да претстави слика на сила, како на јавноста, така и на нејзините блиски партнери. Владата не сака да споделува информации кои би можеле да сугерираат слабеење на решителноста или да остават впечаток дека можеби нема да победат. Во суштина, украинските власти не сакаат да презентираат информации кои би можеле да ги охрабрат Соединетите Држави и нивните други западни партнери да го забават протокот на оружје.

По налог на Соединетите Држави, Украина со години ја зајакнуваше заштитата на своите воени и разузнавачки служби од руски шпиони. Информирањето на другите земји за нивните планови и оперативна ситуација може да ги открие слабостите што Москва би можела да ги искористи доколку руската војска дознае за нив.

(Се разбира, Украинците не се секогаш толку внимателни со американските оперативни планови. Зеленски еднаш јавно објави дека Остин и Антони Џ. Блинкен, државниот секретар, доаѓаат во Киев на посета, факт што го имаа американските власти и се обидоа да чуваат како тајна.)

Има добри причини Украина да не зборува искрено за своите сили или за нивната воена стратегија, рече д-р Бидл.

„Не сум сигурен дека е во интерес на американската јавност или на украинската јавност Украинците да бидат информирани за нивните загуби, ако резултатот е дека тоа ги зајакнува руските воени напори“, рече д-р Бидл. „Но, тоа значи дека ние навистина не треба ги знаеме двете страни на приказната“.

Соединетите држави имаат подобри проценки за руските жртви и загубите на опрема, изјави висок американски функционер. Одбранбената разузнавачка агенција, на пример, проценува дека бројот на украинските војници убиени во акција е сличен на рускиот, но агенцијата има далеку пониско ниво на доверба во нејзината проценка за украинските загуби.

Сликата што ја претставија американските власти за тешка војна, при што ниту една од страните не постигна решавачки напредок, се чини дека е точна, рече д-р Бидл. Сепак, јавните информации за украинските жртви, загубите на опрема и моралот се нецелосни.