Кејт Хадсон, генерален секретар на Кампањата за нуклеарно разоружување, смета дека НАТО многу придонел за опасноста од употреба на нуклеарно оружје.

Таа тврди дека токму акциите на НАТО доведоа до влошување на ризикот од нуклеарна војна и дека Западот треба да го промени својот пристап за да спречи поттикнување на ескалација на конфликтот.

„Минатата недела НАТО започна рунда нуклеарни вежби со симулација на фрлање тактички нуклеарни бомби Б61 над Европа“, рече таа во коментар за Ал Џезира.

„Иако овие вежби се претставени како рутински, тие се одвиваат паралелно со руските вежби. Тешко е да се замисли полошо време“, рече Хадсон.

„Сигурно, со загриженоста за армагедон изразена на највисоките нивоа на моќ, овие вежби требаше да бидат откажани како порака дека Западот нема да придонесе за ескалација на нуклеарните тензии. Наместо тоа, нашите лидери систематски не успеваат да го намалат ризикот заклучи таа.