Војниците вчера го пронашле телото на маж, со ранец и нигериски пасош во шума во близина на Олчовка, изјави портпаролот на полицијата за новинската агенција ПАП.
Телото било пронајдено на околу 9 километри од границата, се вели во извештајот.Засега не се знае кој е мажот и дали пасошот е негов.
Неколку луѓе загинале во пограничната област каде што мигрантите и бегалците се обидуваат да влезат во Европската унија, во криза, која многумина веруваат дека била оркестрирана од белорускиот претседател Александар Лукашенко.
Европската унија го обвинува Лукашенко дека носи луѓе од кризните подрачја во Минск и дека се обидува да ги прошверцува во Европа за да ја дестабилизира Европа како одмазда за санкциите. Тој ги негира обвинувањата.
Владите на неколку погодени земји одговорија со поставување бодликава жица за да се спречи влезот на мигрантите.
Полската гранична стража денеска соопштила дека во изминатите 24 часа имало 51 обид за илегално преминување на границата.Група од 35 мигранти ги пробиле граничните утврдувања кај селото Черемша и на неколку метри навлегле на полска територија.