Само три од 45 китови го преживеаја масовното заринкување во плитките води на индонезискиот остров Мадура, во провинцијата Источна Јава, објавија индонезиските власти.
„Ројтерс“ известува дека волонтерите и локалните власти успеале да вратат три пилотски китови, како што ги нарекуваат, од плажата Модунг, а гувернерката на провинцијата Источна Јава, Хофифа Индар Параванса, изјави дека властите ги испитуваат причините за смртта, додека остатоците на мртвите животните ќе бидат погребани во близина на брегот.
„Волонтерите кои им помагаат на китовите да се вратат во океанот рекоа дека некои од нив повторно се вратиле на брегот затоа што нивните мајки сè уште биле заглавени на плажата“, рече Параванса.
Според веб-страницата „Whale Stranding Indonesia“, минатата година на брегот на Индонезија имало 59 вакви инциденти, во кои најмногу се заглавувале дугонзи и делфини.
makfax.com.mk
