Шефот на хрватскиот Институт за јавно здравје, Крунослав Цепак, вели дека не ја исклучува можноста за постоење на хрватски вид на коронавирусот.

Тој на денешната прес-конференција рече дека има 11 потврдени случаи на британскиот сој во Хрватска, но дека постојат сомнежи оти во земјата има и други, нови варијанти на Ковид-19.

„Она што е ново е дека ХЗЈЗ воведе скрининг тест за нови варијанти и вчера тестиравме 17 примероци од кои имаме 10 суспектни на нова варијанта, а сите примероци ги испративме на Инфективната клиника за потврда. Наскоро ќе имаме потврда дали и во тие случаи се работи за британски сој или не“, рече Цепак, а пренесува „Индекс.хр“.

„Лицето кај кое е пронајден новиот вид е тестирано во нашата земја. Тоа е можна мутација што можеби припаѓа на други видови. Не знаеме точно кои, но никако не верувам дека тоа е бразилски сој, можеби е хрватската варијанта“, објасни Цепак.

makfax.com.mk