„Уште еднаш, сакам да истакнам дека во одредени околности, таквите непријателски мерки може да се оквалификуваат како акт на меѓународна агресија. Па дури и како оправдување за војна. Русија има право да се брани“, рече Медведев.
Русија се соочи со серија економски санкции од страна на западните земји како одговор на инвазијата на Украина на 24 февруари, која Путин ја нарекува „специјална воена операција“. Медведев, поранешен руски претседател, кој некогаш се сметаше за либерал, стана еден од најжестоките поборници на војната со изрекувањето на серија остри осуди против Западот.
Пред три дена тој рече дека секој упад на полуостровот Крим од страна на земја-членка на НАТО може да значи објавување војна на Русија, што може да доведе до трета светска војна. За нас, Крим е дел од Русија.
„А ако една земја членка на НАТО го направи тоа, тоа значи конфликт со целата Северноатлантска алијанса. Трета светска војна. Целосна катастрофа“, рече Медведев.
Тој исто така рече дека доколку Финска и Шведска се приклучат на НАТО, тие ќе ги зајакнат своите граници и ќе бидат „подготвени за одмазда“, а тоа би можело да ја вклучи можноста за поставување хиперсонични ракети Искандер на „нивниот праг“.