logo
logo
logo

Медицинска сестра од БиХ наместо вакцина против коронавирус им ставала на луѓето вакцина против грип

Vecer | 04.08.2021

Медицинска сестра од БиХ наместо вакцина против коронавирус им ставала на луѓето вакцина против грип

Медицинска сестра во Добој ставала грешни вакцини па на осум лица наместо вакцина против коронавирус им ставала вакцина против сезонски грип, но нивното здравје не е загрозено изјавија властите.

Полициската управа од Добој објави дека вработена во локалниот здравствен дом требало да ја примени вакцината на „Синофарм“, која штити од коронавирус, но наместо тоа, таа на пациентите им давала вакцина против сезонски грип на крајот од минатата недела.

Откако била утврдена грешката, процесот на вакцинација бил прекинат, по што медицинската сестра била отстранета од работа, а полицијата започнала истрага. Лекарите ги известиле граѓаните кои ја примиле погрешната вакцина и објасниле дека нема опасност по нивниот живот и здравје или какви било други можни последици.

Здравствените власти најавија внатрешна истрага за овој пропуст и потоа ќе одлучат за можните санкции.

 

makfax.com.mk

© Vecer.mk, правата за текстот се на редакцијата

logo

Vecer.mk е прв македонски информативен портал, основан во 2004 година.

2004-2024 © Вечер, сите права задржани

Сите содржини и објави на vecer.mk се авторско право на редакцијата. Делумно или целосно преземање не е дозволено.

Develop & Design MAKSMEDIA LTD Skopje Copyright © 2004-2024. Vecer.mk