Александар Лукашенко изјави дека го известил Владимир Путин дека истрагата во врска со Софија Сапега ќе се спроведе во Белорусија. Софија Сапега е девојка на уапсениот белоруски опозициски блогер Роман Проташевич.

Сапега е руска државјанка, а беше задржана со своето момче Проташевич на 23 мај, откако нивниот лет од Атина до главниот град на Литванија, Вилнус, беше пренасочен и принуден да слета во Минск, потсетува „Ројтерс“.

„Истрагата за Проташевич и Сапега ќе се спроведе во Белорусија. Му го кажав тоа на претседателот на Русија (за време на минатонеделниот состанок во Сочи)”, го цитираше Лукашенко „Белта”.

makfax.com.mk