„Тоа сигурно ќе се случи во догледно време бидејќи е дел од Руската Федерација“, изјави Песков за руската новинска агенција ТАСС.
Да потсетиме, Путин на 5 октомври потпиша указ за прогласување на четири украински региони за руска територија, спротивно на меѓународното право. Регионите кои Путин ги прогласи за руски се Доњецк, Луганск, Запорожје и Херсон. Украинските сили неодамна го ослободија главниот град на регионот Херсон од руската окупација.
Анексијата на четири украински региони, која е нелегална според меѓународното право, беше прогласена по т.н референдуми во оние региони кои не се признати од речиси ниту една земја во светот. Иако Кремљ тврди дека сите четири територии сега ѝ припаѓаат на Русија, силите на Путин не контролираат целосно ниту една од нив.
