Портпаролот на рускиот претседател Владимир Путин, Дмитриј Песков, изјави дека Русија „мора да ослободи“ делови од Доњецк, Луганск, Херсон и Запорожје - четири региони кои рускиот претседател Владимир Путин во септември ги прогласи за дел од Руската Федерација.
Да потсетиме дека Путин најави анексија на четирите украински региони по одржувањето на т.н референдум, чија легитимност не ја признава речиси ниту една земја во светот. Но, ниту еден од четирите региони што ги поседува Москва сè уште не е целосно под контрола на руските сили.
