Различни „вонземјани“ или „вонземски работи“, па дури и дека епидемијата на Ковид-19 пристигнаа „преку границата“ со балони, велат севернокорејските власти.

Според извештајот на државните медиуми, епидемијата започнала во Ифо-ри во округот Кумганг, недалеку од границата со Јужна Кореја, кога две лица пронашле неодредени предмети кои всушност биле „носители“ на инфекцијата.

„Познато е дека 18-годишниот војник по име Ким и петгодишното девојче од градинка по име Ви, дошле во контакт со вонземски работи на ридот околу касарната и станбените квартови во Ифо-ри на почетокот на април“, пишува корејската централна новинска агенција (KCNA). Се додава дека имале клинички слики кои може да се толкуваат како ран симптом на инфекција, а биле позитивни на новиот коронавирус.

Се подразбира дека болеста била пренесена преку границата со балони од типот што ги користеле активистичките групи во Јужна Кореја за да испраќаат пропагандни пораки до Северот. Активистите признаваат дека праќале пакети со балони, вклучително и погрдни пораки за Ким Џонг-ун, со банкноти од долари и антиинфламаторни лекови за лекување на ковид-19, но се потсмеваат на идејата дека тие би можеле да го изолираат самиот вирус во форма што може да биде испратена со балон.. Јужнокорејската влада вели дека тоа е невозможно.

Научниците тврдат дека вирусот најлесно се пренесува преку воздухот во затворени простори, а не на отворено.

Имено, откако две години негираше дека воопшто има случаи на корона, Северна Кореја пријави околу 4,7 милиони случаи на „треска“, но само еден дел од нив бил официјално идентификуван како Ковид-19. Исто така, објавиле само 73 смртни случаи, што е многу ниска стапка на смртност.

Инаку, Северна Кореја ги затвори своите граници во јануари 2020 година и оттогаш земјата е речиси целосно изолирана. Сепак, државните медиуми постојано предупредуваат за неопходноста од претпазливост во заштитата на земјата од инфекции однадвор.

Властите воведоа политика на „вооружена борба против вирусот“ долж границите, па така во 2020 година војниците убиле невооружен Јужнокорејец додека тој пловел во морето во елек за спасување и му го запалиле телото од страв дека носи коронавирус.

Некои од мерките се граничат со параноја. Во еден момент бил забранет и риболовот, очигледно поради страв дека вирусот може да се пренесе од странство со морската вода, за што, се разбира, нема докази.

Тоа што владее целосна хистерија е доказ дека Владата ги предупредила граѓаните дека со увоз на странска стока може да се рашири „ѓаволскиот вирус“. Странските дипломати во Пјонгјанг се предупредени да останат во затворени простории и да ги затворат прозорците поради страв дека ветровите што носат прашина од песок од Кина може да донесат и „Ковид-19“. Државните медиуми објавија дека вирусот може да го шират птиците преселници, па дури и снежните врнежи…