Властите во најголемиот град во Бразил, Сао Паоло, забрзано ги празнат старите гробови за да направат место за зголемениот број на смртни случаи по инфекција на коронавирус.

Според официјалните лица, оваа недела е забележан рекорден број смртни случаи од коронавирус, пишува Би-Би-Си.

На снимките се гледа како маскирани работници во заштитна опрема копаат редови гробници на гробиштата Вила Формоза во Сао Паоло. Слични сцени може да се видат и на другите градски гробишта, а многу од нив остануваат отворени дури и по 22 часот.

Гробарите се приморани да го забрзаат процесот на рутинско расчистување на старите гробници за да има повеќе простор за секојдневниот прилив на нови трупови, од кои некои пристигнуваат во адаптирани училишни автобуси.

Во вторникот имаше повеќе од 400 погреби во Сао Паоло, најмногу од почетокот на пандемијата.