Стотици ракети на Тел Авив и Газа, десетици мртви и секогаш исто прашање: дали ќе се смири конфликтот за неколку дена или ќе следи нова отворена војна?
Коренот на конфликтот беше повторно во Ерусалим.
Стотици проектили од Појасот Газа летаа истовремено кон израелската метропола Тел Авив вчера во ноќта. Имало толку многу, велат експертите, што дури и израелскиот антиракетен систем „Железна купола“ не можел да ги пресретне сите на време. Најмалку три лица беа убиени, а околу двесте се повредени на израелска страна..
„Експлодираа автомобили, а луѓето врескаа“, изјави жител на предградие на Тел Авив. „Едноставно, тогаш забележавме. Тотален хаос. Ја познавав жената која почина, таа беше моја сосетка“.
Во телевизиски говор израелскиот премиер Бенјамин Нетанјаху најави одговор „со полна сила“. Според началникот на ГШ Авив Кохави, армијата бомбардирала околу петстотини цели во Газа. „Убивме десетици терористи, вклучително и официјални лица. Уништивме згради и инфраструктура“, се пофали Кохави.
WATCH as the Iron Dome Aerial Defense System intercepts rockets over southern Israel: pic.twitter.com/xUz3bMuTzz
— Israel Defense Forces (@IDF) May 12, 2021
На палестинска страна имаше околу 30 жртви до вторникот вечерта, вклучувајќи цивили и деца. Израелските ракети потоа уништија тринаесеткатна зграда среде Појасот Газа. Таму анводно се наоѓале канцелариите на раководството на Хамас. Израел претходно најави напад за да можат луѓето да бидат евакуирани.
Лидерот на Хамас, Исмаил Хуни, тој удар го претстави како повод за одмазда и ракетирање на Тел Авив. „На сите им рековме дека Израел започна оган во Ерусалим и во близина на џамијата Ал Акса. Затоа Израел е одговорен за последиците“, рече тој
Совет за безбедност без согласност
Покрај ракетирањата, имаше силни улични судири и на Западниот брег, како и во израелските градови во кои живеат и Арапи.
Во Лод кај Тел Авив, според извештаите на медиумите, Палестинците запалиле синагога и неколку автомобили. Во немирите, еврејски жител застрелал и убил Палестинец. Тој град сега се наоѓа во вонредна состојба.
„Израел има право на самоодбрана во оваа ситуација“, рече германскиот министер за надворешни работи Хајко Мас. Тој рече дека на палестинските власти исто така им било кажано дека таквата ескалација на насилството не може да се толерира.
Der Raketenbeschuss Israels ist absolut inakzeptabel und muss sofort beendet werden. #Israel hat in dieser Situation das Recht auf Selbstverteidigung. Diese Eskalation der Gewalt ist weder zu tolerieren noch zu akzeptieren.
— Heiko Maas 🇪🇺 (@HeikoMaas) May 11, 2021
Советот за безбедност на ООН треба повторно да се состане во Њујорк. Во понеделникот ова тело не можеше да се согласи за заедничка изјава за состојбата на Блискиот исток.
Бесот на Палестинците
Насилството ескалираше, особено од понеделникот (10-ти мај), кога околу 300 Палестинци и околу 20 полицајци беа повредени во судирите во Ерусалим. Полицијата исто така изврши рација во џамијата Ал Акса, што Палестинците го сметаат за сквернавење на храмот. Истиот ден, Евреите го прославија Денот на Ерусалим, годишнината од заземањето на Источен Ерусалим во шестдневната војна во 1967 година.
Започнаа масовните протести на Палестинците во врска со најавата дека некои семејства можат да бидат иселени од домовите кои претходно им припаѓале на Евреи во арапскиот кварт Шеик Џарах. Според законот, Евреите чии предци биле протерани оттаму во војната во 1948 година, можат да си ги вратат своите домови. Ова правило не важи за протераните Палестинци.
Како што забележуваат некои аналитичари изворот на конфликтот е повторно во Ерусалим, свет град и за Евреите и за муслиманите. Дури и локален спор е доволен за да се потпали речиси библиски конфликт.
Левичарскиот берлински весник Тагесцајтунг пишува дека гневот на Палестинците поради нееднаквост и дискриминација се собира веќе подолго време. „Тој е насочен против радикалното израелско движење, доселеници финансирано од САД и против протерувањето на Арапите од источен Ерусалим и Западниот брег. Последните денови видовме востание против систематската делегитимизација на постоењето на Палестинците на Блискиот исток“.
„Но, има мала штета на палестинската кауза исто колку што им штети на исламистите од Појасот Газа. Хамас и исламскиот џихад не се единствените кои ги тероризираат невините во Ашкелон, Ашдот и Ерусалим. „Тие им штетат и на Палестинците“, пишува „Тагесцајтунг“.
Политичка пресметка
Новите судири доаѓаат во политички чувствителен момент, во кој некои аналитичари гледаат причина за конфликтите. Имено, палестинскиот лидер Махмуд Абас ги одложи изборите на кои, најверојатно, неговиот умерен Фатах ќе помине полошо од радикалниот Хамас, кој сега сака повторно да се претстави како единствен вистински заштитник на Палестинците.
Од друга страна, израелскиот премиер Нетанјаху сè уште не може да формира влада и има свои интереси да ја влоши ситуацијата. Можно е Израелците да треба да одат на избори по петти пат во последните две години.
Според Минхенски Зидојче цајтунг, Хамас се надева на политички профит од кратка и жестока размена на оган. „Но, целосно е неизвесно дали Израел ќе ја следи оваа пресметка. Израелските власти се соочуваат со одлука дали да му нанесат смртоносен удар на Хамас. Тоа би значело војна што нема брзо да заврши “, пишува весникот.
